حساب الدنا فين / للمبدعة صباح سالم
السلام عليكم ورحمة الله تعالى وبركاته
 |
حساب الدنا فين / للمبدعة صباح سالم |
بقلم صباح سالم
@@ حساب الدنا فين @@
تفتكروا لحظه الحساب حانت
عارفه فى ناس حاتقول
قاصدك سرقه التموين
ولا خلل الأسعار بالأسواق والميادين
ولا تقصدى الإعلاميين
ولا يمكن اللى بالدين متشدقيين
يكونش قصدك اللى بلدنا ناهبيين
ولا اللى خلعوا بفلوس البنوك هربانيين
ولا يمكن قصدك حساب اﻹخوه الملاعيين ولا يمكن حساب اللى هبشوا المليارات والملايين
ولا يمكن حساب اللى فى عملهم مقصرين
اكيد قصدك اللى عا الوظايف مسيطرين
طب يمكن تقصدى اللى سرقوا فرحتنا ودم الشهيد سافكين
ولا تقصدى الخاينين اللى وطنهم بايعيين
ولا يكونش قصدك العريانيين وبالقذاره شغاليين
ولا قصدك المجلس والسبابين
ولا يمكن قصدك الأغبيه المتصابيين
ولا قصدك القوانين اللى وجعتنا وصرنا بها محنش منصوفين
ولا قصدك اللى بحزام ناسف دمروا كمين
ولاقصدك اللى بيقلب البنى آدميين
ولا تقصدى الأذكياء المحتاليين اللى بيسرقوا برضاك كحل العين
ههههه..خلق الله حرامى ذكى وعشر مغفليين
ولا يكونشي قصدك اللى بور بناتنا وشبابنا اللى مش لاقيين
ولا يمكن قصدك اللى رمى ولاده وسابهم مشرديين
ولا قصدك اللى بالمكاتب نايمين وشغل الناس يتم بوجبتين
ولا قصدك الرفاهيه الزايده وملايين جعانيين
ولا قصدك وش السعد وبرنامج غبى اتصرف عليه ملايين
ولا قصدك اللى ضيع فريق الزمالك اللى هو والأهلى واحد مهماش اتنين
ياااااااه يابنى آدمين
حساب ده..ولا مرار مرر حياه ملايين
وكلتك الأمر ياااامعين
مصر يااارب ليها غيرك مين
| نسخ الرابط | |
| نسخ للمواقع |
0 التعليقات
