حبيبى إنت فين // للشاعرة ايمان محمد

حبيبى إنت فين // للشاعرة ايمان محمد

حبيبى إنت فين وسايبنى

وبعدت ليه وغبت عنى

وحلالك خلاص بعدى

نستنى وبقيت وحدى

أقاسى من أحزانى

وأبكى من جرحى

إنت نستنى ياعنى ونسيت أيامى

و نسيت شوقى لك وغرامى

وليلى وهمسى وعشقت صمتى

نسيت انى كنت فى طريقك بأ نسك

وفى كل خطاويك كنت بقاسمك

نسيت إنى حفرت على قلبى إسمك

وف عيونى شلت صورتك

كنت بسهر ليلك واسامرك

واسمع ضحكتك ودقه قلبك

كان بيصهرنى أنفاسك وهمسك

وبكل إحساسى أقولك بحبك

إنت عارف إيه عملته فيه يا عمري

قتلتنى ببعدك وقتلت قلبى

موت إحساسى وكل مشاعرى

سهرت ليلى من قسوه جرحى

ومن شده ألمى بينزل دمعى

والأه تبكى الحجر لو يسمعنى

نزلتنى فى بحر أحزان و غمرتنى

زلزلتنى صدمتنى

وبخداعك حبيبي توهتنى

مش مصدقه إنك فى لحظه بعتنى

وبكلمه منك هجرتنى وبعدتنى

ومن قلبك محتنى

مش هاقولك يا ظالمنى

سلمتنى لعذاب الفراق يأ لمنى

وانا اللى كنت بسامحك فى جرحى

عشان حبى ليك كان أكبر من غضبى

الله يسامحك ياللى بالجراح ملتنى

الله يسامحك ياللى بعدت ونستنى

حبيبى انت فين وسيبنى

الشاعرة / ايمان محمد