كل عصر وله أوان_ شعر بقلم/ سيد صميده

كل عصر وله اوان
وكل فرض وله ادان
وكل ليل وله سهارى
وكل درب منه حاره
وعطفه وزقاق وسكه
وكل سكه وليها خطوه
وكل فكره ليها ندوه
وانتى فين عصرك وليلك
يا اللى قلبى معرفش غيرك
ولاتاه الا ف دروبك
ولا عاش الا ف ليلك
تترجا منى الخطوه امشى ناحيتك
تنده عليا وف خيالى ترسم جوه عينى ضحكتك
وافتكر ليلك وسهره
وشمس صبحك والليل وقمره
ووردتين ع الخد سهروا
يناغشوا قلبى ف غمزتك
وقلبى كان ع البر خالى
جيتى انتى سهر تى فيه كل الليالى
ولاعمره يوم السهر كان ف بالى
الا اما دقت خطوتك
جوه دربى وف طريقى
قلتى يومها قلبى مال لك يا حبيبى
وانشغلت بيكى يومها
ونسيت معاكى دنيتى حتى و همومها
وصرت عاشق م السهارى لحد يومها
والنهارد قلبى شارد لسه ف كلامك
وعقلى شايف ضحكتك حتى ودلالك
ويومها قلت هو ده ميعاد اوانك
انى احبك واسهرك واسكن ف بالك
رفيق القلم
سيد صميده