جريدة أحلام الناس_يمكن_ شعر بقلم/ جهاد بدر
السلام عليكم ورحمة الله تعالى وبركاته
يمكن نقول مواويل
.....................أو نمشى نتغنى
يمكن نقول كارهين
.....................و نقول دى مش جنه
أو تضحك الأحلام
.....................و الضحكه تستنى
يمكن نشوف الزين
.....................و عيونا تتهنى
أو حتى بدمع العين
.....................البعض يتحنى
ماشيين نقول ثوار
.....................و الخطوه تتأنى
سبقونا بالمشوار
.....................و انا لسه باتدنى
طمعان فى كام ملطوش
.....................و احلف أنا البنا
بنيت خراب للدار
.....................و هى دى الجنه
ماتت الأشجار
.....................و إحنا بنتجنى
و دبلت الأزهار
.....................و بعوده يا زمنا
ماسك بإيدى سلاح
.....................يا سلاح ما توجعنا
ماتت دموع بالعين
.....................بالهم مسكنـّا
أمانه يالمواويل
.....................لتقولى لعيدانا
تصلب تشد الحيل
.....................أعدائنا بغيطانا
نشروا بليبيا دمار
.....................و الحوثى يسمعنا
يا سوريا انا المحتار
.....................و عراقنا لوعنا
كل الغيطان أسعار
.....................يا مين يتمّنا
محارم هنا للبيع
.....................و لا حد سامعنا
كان الخطر أنواع
.....................دلوقتى حاصرنا
ياللى تقول ثوار
.....................الشر طايلنا
ياللى تقول ثوار
.....................إزرع فى وديانا
إزرع بكل ميدان
.....................رحمه تصاحبنا
توحد الأقطار
.....................و كون كما البنا
#الشاعرجهادبدر 14 يناير 2016
نسخ الرابط | |
نسخ للمواقع |