جريدة أحلام الناس_يامولانا_ بقلم/ عبدالله الهوارى

قولى يا مولانا
انا ليه ما باحبش الموت
وبازعل قوى لو قريبى يموت
مع انى مؤمن جدا جدا
قليل على شىء باحزن
_" بتصلى"
اكيد طبعا
_" حافظ قران"
اجزاء كتير
_"واحاديث كمان"
جزء كبير
ومش باعمل اى كبائر
وخيالى ف الله بيسافر
ودايما اتامل ف الملكوت
_" طب دا جميل خالص"
وعارف ان دى دنيا
خلقها بقدرته ربنا
وان فيه اخرة ف الاخر
لا يعلمها الا الله
_" اذن لازم تعرف
ان كل شىء ف الدنيا ديا
حتما ولابد يموت
دا حكم ربنا ف الحياة
محدش ما يموتش الا اياه"
__________

عبد الله الهوارى