جريدة أحلام الناس_ الفجر لاح _ بقلم خالد الشاعر

الفجر لاح من بعيد
والليل لملم خيوطه اكيد
وحلف يسيب نهارك يبتدى بنوره
وانت اللى خايف تزرع
بذور القمح تطرح سنابل خير........
....هو انت زى الغير؟ ولا خايف موته
الريح يعدى عليك تسمع صدى صوته

واليوم بنبدأ من جديد..............نزرع

والحب ف ادينا ..............مين يبتدى منا
يزرع سنابلنا .....يجنى ثمار الحب
اللى اتزرع بينا ويدارى جرح اتفتح
فتحوه عوازلنا واليوم خلاص راجعين
ومعانا شمس وقمر وشعب بيحبك
اااااااااااااااه يا وطن............صابر علينا سنين
واحنا كمان صابرين ........ما هو اصلنا عارفين
ان البدايه والنهايه من هنا من عندنا من مصرنا
ايوه كنا متفرقين .......وصوت الريح عالى
والنخل رامى البلح م العالى
وصوت شبابك يا وطن عالي
الفجر شقشق خلاص.....يا فرحه تعالي
زرع القلوب الحب والزرع ده غالي
طرحت سنابلنا......... والطرح خير للكل
الليل لملم خيوطه .........الفجر لاح.........
وحلف يسيب نهارك يبتدى بنوره
وانت اللى خايف تزرع
بذور القمح تطرح سنابل خير........