جريدة أحلام الناس_ كل شئ نصيب_بقلم/محمد العراقي

كل شيء نصيب

ماشي في طريقي وحيد

مليش ونيس و حبيب

و لا لاقي ليّه سِنِيد

عايش حياتى

 غريب

خطواتي أنا مثقلة

و الأمر قاسي عصيب

و كأني لابس قيد

محتاج أروح لطبيب

ماشي أجُر في رجلي

و الله وضع مريب

حاسس بأني عليل

و دمع عيني صبيب

بيقولولي شد الحيل

و إجمد يا فارس عيب

دا أنت يا خال عمنا

يا ما كنت فينا خطيب

معروف و رأيك سديد

و لا مرة كنت عطيب

الجمع يشهد بفضلك

فكرك عميق و خصيب

راجل تزين الرجال

و لك مهابة أريب

كلمات عيونك خطيرة

هُمام شديد و رهيب

راكب و رايح فين ؟

أمرك بجد عجيب

إرضَ بقضاء ربنا

و عش يا عم طريب

دا الدنيا من دا و دا

و كل حاجة نصيب

من كلمات الشاعر

محـــــمد العــــراقي

في 11/ 1 / 2016 م