وحشانا يامصر _ بقلم شاعر فلسطين صالح إبراهيم الصرفندي

وحشانا

يا مصر يا حبيبتي طول عمرك عشاني

سهرانه 

يا بستان منور ومليان فل وياسمين وفيكِ 

هيمانه 

يا طيبه يا أم الحضارات والديانات يا مهد العلوم ودايما 

حبانه

يا ناسي يا مصريين والله بحبكم بس بلاش اشاعات 

مدمرانه 

من أيام سيدنا يوسف الأشاعه بتنخر في جسدنا والناس مش 

دريانه 

ظلموه واتهموه بفعل الشين وربنا حفظه ومن الظلم

حمانه 

يا مصريين ادعوا ربنا في كل ركوع وسجود يحفظ اللي في نن العين

شيلانه

وخلي بالكم لو مصر انحنى ظهرها كل العرب حتبات 

ندمانه 

والغربان حتحوم والضباع حتنهش لحمنا مع كلاب 

سعرانه 

مصر عمرها ما تركع ولا تشيخ ولا تكون في عمرها

هرمانه 

مصر سندنا يا عرب وطول عمرها جوه رموشها 

حطانه

طول عمرها تسقي اللي حواليها ومش مهم تبات 

عطشانه 

بدونك يا مصر حتنكشف عورتنا لعلوج 

محوطانه 

أرضنا كلها خير وبركه ليه نروح لغرب مكابر هو في حاجه

نقصانه

يا عرب اتحادنا قوه عشان الغرب وأمريكا على الرف 

حطانه 

كفايه خصام ومش في صالحنا والتعصب والفرقه 

كويانه

الإستعمار عمل بينا حدود وحواجز ومعابر والقلوب 

جرحانه 

خلوا بالكم يا شباب اشتغل بهمه في بلدك وكفايه أجساد

غرقانه 

الله حافظك يا أمنا يا مصرنا والملائكه حوالينا 

وحرسانه

بلدنا حلوه ومسلم ولا مسيحي والله 

سيعانه 

مهما عملنا فيها ومهما تجرأنا عليها هي من القلب 

مسمحانه

معلش يا أمي سامحي ما أنت طول عمرك 

حضنانه

شاعر فلسطين صالح إبراهيم الصرفندي