**قلمى وألمى** _ بقلم أحمد عبد السلام
السلام عليكم ورحمة الله تعالى وبركاته
**قلمى وألمى**
قلمى حاير بين السطور
بيكتب حروف من نور
بدمعى ودمى بين السطور
اكتب كمان واكشف المستور
انت عمرك ما انحنيت
وعمرسنك ما كان مكسور
كلمنى عن الناس الغلابه
اللى عايشين جوه الجحور
وكمان كلمنى عن الديابه
اللى عايشين جوه القصور
وسلملى على العداله
اللى طفت علينا النور
ياقلمى ياحاير بين السطور
كلمنى عن المساكين
اللى هما مش لاقين
وعايشين و صابرين
وشاكرين رب العالمين
وكلمنى عن البهوات
وكمان اولاد الذوات
وكلمنى عن اصحاب النفوذ
وكمان اصحاب الكروش
وسلملى على الميزان
اللى كفته وار مش قدام
ياقلمى ياحاير بين السطور
*****
نسخ الرابط | |
نسخ للمواقع |