لغز إنت فى كل شئ .. بقلم زين العابدين خضر
السلام عليكم ورحمة الله تعالى وبركاته
لغز إنت فى كل شئ ..
الكلام م القلب يطلع .. لما يوصل للحناجر
الشعور بالكره يقتل .. بس لو بالحب قادر
يمحى كل حاجه حلوه..فى الفؤاد لو إيه يغادر
يقتل الإحساس بكلمه .. مهمه تبقي حد صابر
الخداع مش بس حزن ..لأ دا فيه خداع وساخر
تبقي فايق من جراحك .. ببتسامة قلب عامر
بالظنون والخوف لا تبقى..لعبه وانت فيها حاير
...............
لغز إنت فى كل شئ .. وانا مش هقدر أساير
راح أقولك اللى عندى.. واوعدك بعديها غاير
مش هتسأل زى عادتك..انت فين رايح مسافر
مش هتتقل أو تدارى .. دمع نازل نار وفاير
مش هتنسي تقولى كلمه..تشغل القلب اللى هاير
إوعى تنسي تقول بحبك .. واوعد الدم اللى ثاير
إوعى تنسى تكون مخادع.. تبقي فالته من الضماير
قبل مامشى إبقى ودع .. دا الوداع كاس وداير
..............
بقلم زين العابدين خضر
| نسخ الرابط | |
| نسخ للمواقع |
0 التعليقات
