غرام ساكت بيتكلم_ بقلم سيد فاروق

غرام ساكت بيتكلم

عن ديوان في رحاب النور 

بقلم الشاعر سيد فاروق 

غرام ساكت بيتكلم

***

ولما اسمع 

حروف الصمت ف عيونك

واشوف فيهم

غرام الشوق

ينور سكه العاشق

ويهدي الوجد للمعشوق

وقلب رقيق 

بيحضني يكن لي رفيق

يصاحبني

ف ايامي

وأشوفك ماشيه ف منامي

وف الأحلام تناجيني

واحساسك على جناح الغرام 

يصرخ

يا نور عيني 

وخدني لفين ؟ !!!

على حرف الحنين ماشيين

انا وانتي

ما بين حرفين

بنتقابل ونتلاقى

بسهم رموشه مشتاقه

والاقي الحرف يحدفني

كما الموجه على شطك

وبغرق فيه

فهل ممكن ؟!!!

ولو يسمحلي إحساسك

اكون كلمة على سطرك

اكون بسمه ف احلامك 

وضحكه ف قلب ايامك 

راح اسكن ف واحة قلبك

والمس نبض أشواقك

وأقول يا رب تطلع أيه

دي مش إنسان

ولا من الجان 

ملاك من نور

لكن نازل على انسان

يا جنيه 

يا مولوده على كفوف

الجنينيه

ما بين الخضره والميه 

واحساسها كما الفضه 

ومن شوقها

عيون القلب تتوضى

جمال الصمت ف عيونك

بيتكلم 

وبيهم جنتي غضه 

ولو سكت الكلام حبه

مابين القلب والنني يجنني

الحنين مني

ولا برضى أنا أتكلم

وراضي قلبي ومسلم 

عشان سهم الهوى صايب 

مهوش خايب

وانا سايب مشاعر نبضي تتكلم

ووجدي حنينه بتهامس 

وانا لامس

حنين لافت ف احساسك 

ونبض القلب

يدوم شوقك يدوم الحب

وف عنيكي بكون أجمل

وأنا فيهم 

وواقف لسه مستني 

وشريان الغرام مني

بيسقيهم

في محراب الجمال

والصمت

بكون صامت مبتكلمش

ولا ح انطق واقول كلمة 

لكن ح اسكت 

ونبض القلب يتكلم

ويعلى الصوت

ويصرخ فوق جبال الشوق 

بحبك موت

***

بقلم الشاعر سيد فاروق