زملكاوى انا_ بقلم مبروك علوه

☆( زملكاوى انا )☆

تحيه لكل زملكاوى

بيحب فريقه وكمان غاوى

صميم ويشجعه فين ما يكون

لو كان فى استاد ولا قهاوى

ويرفع شعاره ف المدرج

ويالف له إشعار وغناوي

ويهتف بالصوت العالي

عاشقين الكيان الزملكاوي

ويأزره ف مكسب وخساره

وأهاته بتطلع بحراره

ويحب فريقه ويخاف عليه

لو حتى هيلعب فى الحاره

أصوات جماهير زى الدبابير

بالدخان كتبوا اسمه فى ستاره

شماريخ صواريخ ف الهوا بتطير

ومكسبهم بالعدل دا شطاره

فريقنا جرئ ف اللعب شريف

مكسبش ف يوم كده بالتزيف

مدرسة الفن والطبع عفيف

بيبسط جماهيره وكمان حريف

زمالك يعنى فريق الأبطال

مفزوش ف يوم برشاوي

لعيبه حريفه وكمان شجعان

وأنشد وقول يا مغناوي

☆☆☆☆☆☆☆☆☆☆☆؛ 

الشاعر 

مبروك علوه