فراقك مش هيغيرنى - بقلم / عبد الله الهوارى

فراقك مش هيغيرنى - بقلم / عبد الله الهوارى

فراقك مش هيغيرنى

حبك بيسرى ف الدم

ما تغصبنيش ع الحلفان

حبك هو الروح

زى ما هو زمان

بس الفؤاد مجروح

مش فارقة بعدك او قربى

صدقينى انا مش خايف

غير عليكى من بعدى

من ناحيتى ما تحمليش همى

ما هو اليوم هيعدى هيعدى

لو هيتحس شهر

هو بس الشعر

خايفه ف يوم ل- يكسرنى

عشان عيونك ملهمتى

بس ما تخافيش يا حبيبتى

الشعر زى ما حفرته

هو كمان حفرنى

زى ما انا صورته

هو برضه صورنى

زى ما رسمتك بيه

بالظبط هو رسمك

اول ما المعانى هتهرب

ودا ممكن جدا وجايز

هيحضر قوام كاميرته

ويصورلى عيونك سيلفى

وارسمهم زى ما انا عايز

واكتبلهم بكل مشاعر

بس انا خايف عليكى انتى

لو كنتى هتعشقى غيرى

من فضلك ابقى اعشقى شاعر

_______________

عبد الله الهوارى