(اضرب الأوهام ببقرة)/ الشاعر وحيد راغب
السلام عليكم ورحمة الله تعالى وبركاته
 |
(اضرب الأوهام ببقرة)/ الشاعر وحيد راغب |
(اضرب الأوهام ببقرة)
انتظرنى الساعة ستة
رنِّم الاشواق رشتة
سحلة واحدة من عنسك
كُونِى يبقى الف حتة
السهام الراشقة حالها
خطت الجدران لقلبى
والجاكتة
والكلام من غير جناح
طار لحد الروح
محطة
الفروض التايهة تبغِى
ألف نافلة
وألف شَرطة
يا المحب افتح كباينك
قُولْ قالُوووووووا
كلمنى شكرا
الشرود ف الحب نا ر
عاملة إيه الدنيا فينا
غير إدينا سارقة بار
نتوحِل ف الهجر نجرى
خلف آهة بدون قرار
تستعرنِى
أو تعِرنِى
البضاعة ف السفينة
والسفينة ف البحار
قرصَنِ الاحلام وطالِب
إن حبك وقت عوزة
يبقى جنكيز التتار
أى حوت من بعد موسى
مش هايصحى
أى خضر ف بحر شوقنا
مش لَدُنِّى بين شفايفه
أو هايبنى ف الجدار
اضرب الأوهام ببقرة
صفرة جايز
خضرة جايز
المدى بِرلين بيشكى
مين أزاله بالنهار
رطِّب الصفصافة يمكن
الربيع يقتل خريفُه
ضاع نقاط الحرف ولَّى
والخسيس باقتل شريفه
صلِّى ع المختار بحرقة
الشراع بابدر طوافه
انتظرنى فوق عطارد
أو ف كهف وصيده كلب
المحبة صعب موتها
واللى باشهق
فيها صب
الدموع أنهارها جارى
فوق خدوده
م المنابع للمصب
لو ظهر تمساح نصيده
أو نكيده بحب أقوى
م الغياب
نظرة طالة بوجد نارى
سحرها فاق العتاب
حطم الأصنام لعازل
الهوى إوعى تصدق
إنهم خلوا له باب
الشاعر وحيد راغب
| نسخ الرابط | |
| نسخ للمواقع |
0 التعليقات
