قصيدة للمصادرة - بقلم / عبد الله الهوارى
السلام عليكم ورحمة الله تعالى وبركاته
قصيدة للمصادرة - بقلم / عبد الله الهوارى |
قصيدة للمصادرة
_______________
بس..هس..الحيطان لها ودان
اوعاك تتكلم ولا تقول زعلان
بس هس ...وروح استحمى
مش بتقول كنت ف الميدان
اوعى تفتح بقك بتاتا
ستقف صف ثباتا
كرباج على قفا اللى خلفوك
هتعطس وتقول انا جبان
جوة الزنزانة هياكلوك
فار وما ادراك فار اللمان
هيكرموك وكتير هيسقوك
المية ف مقطف بودان
هس ..بس اسكت اسكت
اخرس يا ابن الملهية
بطل تثرثر وخف رط
بلاش تقول على مصر
امصار ايه ومترك ايه
مصر ماسمها ش بهية
لو قلت هيقولك بطل خرط
ما تقولش بهية حتى ف الشعر
اما تكتب شعرجملة او فرط
اوعاك تجيب سيرة الحرية
لتاخد سجن شهر
ويمكن مدى الدهر
بتهمة ازدراء الحرية
هس ..بس ..وخف هتاف
لو بتاكلها حاف
اهتف تحيا الديقراطية
تحيا مصر...مصر
اوعى تغلط وتقول بهية_____________________
..................
عبد الله الهوارى
نسخ الرابط | |
نسخ للمواقع |