(قالتلى) / لسلطان العامية ( جابر سلطان ) بقلم / الشاعرة إيزيس غانم

(قالتلى) / لسلطان العامية ( جابر سلطان ) بقلم / الشاعرة إيزيس غانم

قالتلى ..إوصفنى يا وصّاف...

قولتلها ...كاملة الأوصاف...

قالتلى كمّل...قولتلها أخاف...

غابتك غريبه مرعبه ميخشهاش خوّاف..

وإنتى إمرأة محتاجه مليون إكتشاف...!!

قالتلى ماعشتكش خايف ..فإزاى تخاف..؟

قولتلها ..من سحرك بخاف...

تفحات الخد...أرنبات الصدر ...

ونعومة الأطراف...

وجحيمك الباصص من بين شفايفك..

تنين ..بلع كل السماين والعجاف..!!

لو حتى حاول إبليس يحاربك..

أدّام حربتك هيخاف..!!

ف إعذرينى إن كنت خايف ...

بالوصف أكمّل فيكى إكتشاف...

وإكتشافك مش ف ليله ..ولا ألف ليله ..

د إنتى إمرأه محتاجه مليون إكتشاف..!!

قالتلى عشقك للنسا..

قولتلها ..للنسوة إختلاف..!!

وعشان أسلّم للعشق قلبى ..

لازم أتمم لإكتشاف...!!

بصتلى وف عينها إنعطاف..

والحب ف عيونها إنشغاف..

زى قلب زليخه لما ..

قدّم ليوسف لعتراف..!!

وقالتلى عيد إكتشافى ...

قولتلها كشافى إنكسر ..

وعجّز المجداف...

وسفينتى هيكلها الشجر ..

طوّافه بدون طوّاف...!!

فإزاى هعدّى ف بحر نارك..

من غير مخاف ..؟

وانتى إمرأه محتاجه مليون إكتشاف ...

جوّه ننك كحل جنّى...

بنارة حارس كل ننى ...

مستنى حد يخشّ قصرك..

أو حتى يحلم إنه حبك..

ف العلن أو ف التمنى ...!!

وخطى سور قصرك وشاف ...

نوارس نهدك الشفاف ...

علشان يعيد فيكى إكتشاف ..

مانتى إمرأه محتاجه مليون إكتشاف...

فإزاى هقرب من جحيمك ..

وأغوص ف تلجك أو ف نارك..؟

إزاى هخطى مستحيلك ...

وأكتشف فيكى الممالك ...

هوّه إنتى زى ...؟

إستحاله تكونى زى ...!!

لأن زيك..متخلقشى زيه ..زى .!!

ف سيبينى أغوص جواكى واطلع بالدهب ..

يا أموت بتلجك ..يا أموت بألسنة اللهب ..!!

وإن طلعت ..هطلع وأنا ف إيدى إكتشاف ..

وساعتها يا جنيتى ..هسكن غاباتك وأسكنك..

من غير ...مخاف ....!!

********************************

أحدث إبداعات سلطان العاميه

عم الشعراء ..والدى الأستاذ \\

جابر سلطان ..