☆(مليون وش)☆/ بقلم - مبروك علوه
السلام عليكم ورحمة الله تعالى وبركاته
 |
☆(مليون وش)☆/ بقلم - مبروك علوه |
☆(مليون وش)☆
محتار ألبس آي وش
أمشي بيه ما بين الناس
عايش دنيا كلها غش
صبح الخيرملوهش أساس
عايشين فى دنيا زي الغابه
وكآن الرحمه مش موجوده
كلها تعالب وديابه
والقسوه صبحت معهوده
القوى بياكل الغلابه
زي العصفور ما ياكل الدوده
ونفوس صبحت قلابه
الرحمه فيها بقت محدوده
أخلع وش الخير وارميه
والبس مكانه وش تانى
وارمى كمان وش الاخلاص
عيش فيهل غدار و انانى
الصاحب بقى بمليون وش
والشر بيجرى فى دمه
لكن لو جوا منه الخير
كان اولا بيه ابوه وامه
بيطعن دايما فى الضهر
اصله متعود ع الغدر
لابس وش مليان ايمان
وهو حياته كلها فجر
ومحتار ألبس أي وش
أمشي بيه ما بين الناس
☆☆☆☆☆☆☆☆☆؛
مبروك علوه
| نسخ الرابط | |
| نسخ للمواقع |
0 التعليقات
