ارحل / للمبدعة زينب أبو الفتوح

ارحل / للمبدعة زينب أبو الفتوح

ارحل

ابعِد و ارحل .. 

يا للا بعيد

فوتنى لوحدى

مش راح اضيع ..

بَعدك وأموت

مش راح اهون ..

أبداً على نفسى

إنت اخترت .. تمشى 

وقت ما كنت فى دمى

وقت العالم ..

ما هِرب منى

رُحت فايتنى ..

ولا همكش .. 

عذابى وألمى

و لا فكرتش .. 

إيه كان ذنبى

إنى اديتك ..

عمرى و قلبى

ابعِد و ارحل .. 

ياللا بعيد

فوتنى لوحدى ..

خُدها تحدى بينى وبينك

مين راح ينسى .. 

مين هيموت

مين ..

راح يقدر يبدأ تانى

مين هيعيش نادم مكبوت

مين هيغنى و يرفض ذكرى

عايزه يكون ليها اى وجود

ومين راح يبكى ..

و يِعشق ندمُه

و يِخسر عُمره ..

ف ماضى عبيط

ابعِد و ارحل .. 

يالا بعيد

فوتنى لوحدى

زينب أبو الفتوح

أكتوبر 2001