سلفنى ضحكه _كلمات بقلم / سيد صميده جريدة أحلام الناس

سلفنى ضحكه _كلمات بقلم / سيد صميده

سلفنى ضحكه ياخالى

اغيظ بها عزالى

مسجون ف حزنى ليالى

ولا ليله حد حس بيا

سلفنى ضحكه ياخالى

ارسمها والضحك غالى

ع اللى سهران ليالى

يتمنى يضحك شويه

سلفنى وهاردها لك

كبشة فرح فى نهارك

تاخدها منى ومالك

بخلان بضحكه عليا

واهو كله سلف ودين

الضحكه تاخدها اتنين

منى وقت يكون

الضحك مالكه ف اديا

ضحكنى وليك الثواب

عابر سبيل دق باب

يتمنى يلقا الجواب

ويرد حد عليا

رفيق القلم

سيد صميده