رهوان من التل _ بقلم/ رفيق القلم سيد صميده جريدة أحلام الناس
السلام عليكم ورحمة الله تعالى وبركاته
 |
رهوان من التل _ بقلم/ رفيق القلم سيد صميده جريدة أحلام الناس |
حامل ف صدره جميع لاسرار
رافع ف ايده رايه بالالوان
بترفرف ف كفه الرايه ليل ونها
يمد صوته بعزم يعبر بحور وانهار
ويلم رمل الصحارى يبنى منها اسوار
تلم حمام ابيض يسكنها باستمرار
مين اللى فارد الخطا يا خلق مين هوا
صلاح الدين ولا الزناتى خليفه
ولا امير البلاد حاضن الشمس وبقوه
مرسوم على جبينه صورة الهرم والنيل
منسوج على توبه صور عيال مساكين
بيرفرفوا كيف الحمام ف العين
بيغنوا والصوت بيلف شمال ويمين
يصحا جميع الخلايق تنشد المواويل
ومصر تاجها فوق جباينها
من مفرق الشعر بيزين جدايلها
والشاعر بينشد ف المسا لاشعار
ترنيمه ترنيمه كلها اسرار
تحكى تاريخ الوطن اللى اتولد ف نهار
والنخل بيزين ضفاف النيل
من وسط زعف النخيل تنطلق مواويل
والعطارين بالحنه هناك دايرين
يحنوا مشيب القوافى اللى رافقها سجين
من مولد الكلمه اللى اتبنت ف الحلق
لاخر الكلمه اللى سمعها الخلق
والشاعر اللى رسم فوق الورق حلمه
داير ف تل القوافى بيغنى على حلمه
اللى اترسم بالحروف واللى اتسجن جنبه
ف زنزانة الصبر اللى سكنها سنين
رفيق القلم
سيد صميده
| نسخ الرابط | |
| نسخ للمواقع |
0 التعليقات
