سألنى صوتك / للشاعر جهاد بدر

سألنى صوتك / للشاعر جهاد بدر

سألنى صوتك لما جانى 

قولت يا بنى إشكى لربك

الخيانة و كل جانى

إشكى غدر اللى غدر بك

كل دمعه من زمانى

و إوعا تمشى غير بدربك

جنب أحمد جنب مينا

تحمى بيتك تحمى أرضك

تحمى نيلك و الموانى

و الشجر تلقاه يحاوطك

تفدى أمك تفدى أختك

أيوا عرض بلادى عرضك

أيوا يا بنى الصبر صابنى

قلبى نبضه زى نبضك

نبض ساجد نبض شاكر 

جوا حُضنه تنام ملامحك

إوعا تبكى عليا يا بنى

لما نبض الناس يحاوطك

إنت عايش جوا منى

لو هاتزعل ها أجى أصالحك

كل عمرى عليك فنيته

أيوا عُمرى ما شوفت دمعك

و إنت عُمرك لجل منى

جيت يا قلبى لجل إزفك

هاسقى كل الزرع يكبر

لما أتعب ألقى ضلك

ما انت عايش جوا روحى

و اجى أشكى لربى زيك

‫#‏الشاعرجهادبدر‬