مبتدا الاسم - بقلم / عبدالله الهوارى

مبتدا الاسم - بقلم / عبدالله الهوارى

مبتدا الاسم عبد لله ذاكر

خبر الفعل ع الورق شاعر

والكود بيلهب نبض مشاعر

قول الحرف بالمعنى مقرون

وجع الاحبة للروح ساجن

بوح القصيدة خط ساخن

قلب الحبيب شبكته ساقطة

وودن طين وودن عجين

مكسورة جوانا الامانى يا هوا

والحزن دايم جوانا ساكن

من يومين يا دوب كنا سوا

والفراق حالف يفرق قلبين

الكدب عند الحبيب غية

العشق مش بس نظرة عين

العشق دوا بيشفى روحين

يا مجربين العشق ف السابق

الحق حق ع اللى فرط

ولا على اللى فجاة بيفارق

وينقض بين القلوب عهدين

البوح فرض ع العشاق واجب

والصمت احسن للبوح لما

الحبيب ما يعرفش البوح سكته

اصلها جاى منين

النوم للعيون احسن طريقة

احسن م النظر ف عيون خاينين

يا عيون مين دلك ع الهوى

ويا قلب مين وداك سكة العاشقين

صدق الوعد ف الهوى نادر

وان كنت شاعر

فر بحروفك من الاتنين

___________

عبد الله الهوارى