حلمي كان صغير - بقلم / سمر على

حلمي كان صغير - بقلم / سمر على

حلمي كان صغير .....!!!!!

حلمي كان صغير علي أد كف الأيد 

حلمت زي غيري أعيش 

أني أكون في يوم سعيد 

رسمت حلمي علي الحيطان 

و معاه صوره و نجوم

و شوية كلام 

و قلت يمكن يجي يوم 

و الحلم يشوف النور 

وما يبقاش وهم أو مستحيل 

و أهي عدت الأيام و السنين 

و أنطفت من حواليه النجوم 

راحت لبعيد 

و الصورة بقت شوية رتوش 

أما الحلم مفيش

سراب تقول 

وهم أكيد

مجرد برواز و شوية كلام علي الحيط 

ما تقوليش بكره لسه جاي 

ما تقوليش زمن المعجزات مازال 

أصل خلاص الحلم بقي مفيش

و القلب عشش فيه الخوف 

و الدموع نازله علي الخدود نار

فرشه لنا الطريق شوك....................سمر علي