حبيب الملايين _ كلمات بقلم / عبدالله الهواري

حبيب الملايين _ كلمات بقلم / عبدالله الهواري

انت فين؟؟
يا حبيب الملايين
يا حبيب قلوبنا وحبيبنا
منين الطريق؟
السكة فين هية
بتسال بهية
طب ليه مشيت وسايبنا
غريق بيشد غريق
ف بحور تايهة مراكبنا
رافعين حاجبنا
راح الامان
ودار الزمان
بيقلبنا على عيبنا
النوايب ملهاش حصر
يا رافع ريات النصر
يا موحد العربان
انقذنا م الطوفان
غرقت الغيطان
والضلمة جوة القصر
انت فين؟
الناس لابسين متاهة
وبتنده النداهة
ارجع يا ابو النباهة
خلص ولاد مصر
م الحصار
م الدمار
م الكبت م العصر
انت فين؟
عود يا ريسنا
الوبا مكتفنا
والغبا حارسنا
كلمتين ف سرك
عود وافشى سرك
يمكن تعود مصر
_______________
فى ذكرى ميلاد زعيم الامة