حاجات كتير متلخبطة_ كلمات بقلم/ عبد الله الهوارى جريدة أحلام الناس

حاجات كتير متلخبطة_ كلمات بقلم/ عبد الله الهوارى

حاجات كتير متلخبطة
متشابكة ومتداخلة
معادلات مركبة
شنط سفر
ومشايل
وشايل مشاعر
تفرد جناحك ف الفضا
يتكسر
والاسم شاعر
والفعل احاسيس متشخبطة
وتتفسر
بتتنفس هوا
وتنفخ قضا
ممنوع من البوح
مرفوض الفضفضة
ممنوع الهمس
زى خيوط الشمس
ف السما
متشعبطة
تدوب من غير نفس
من غير انسجام
بدقة ساعات الغروب
المتظبطة
ورغم الالام تدعى الرضا
_________________
عبد الله الهوارى