اكتب بقلمك وقول / للراقية : نجلاء الخشاب *

اكتب بقلمك وقول
خلي الوجع يرحل
ويبقي فينا الامل
موجود
الدنيا ايه غير حبة
وشوش
وش يفرح وبقلبه
الحزن ما سابوش
ووش راسم البسمة
 وتحت الجلد مغشوش

ياما هنشوف من العجب
الوف
اكتب يا ولدي
كنت يوم كبير ببلدي
جه الصغير وقال سيب
لي مكان خليني اخد حقي
كاني خيل حكومة واتحكم
اتقتل بكبري
مين فينا ظالم انا ولا هو
يا بني
علمته وكبرته عشان يكون سندي
معرفش انه بخنجر العقوق هيطعني
متمسحش دمعي خليه يمكن يشيل همي
مبقاش ليا غير دعاء ربي
 يسامحه ما هو مهما كان دمي ولحمي