حلم اتحقق / للشاعرة هناء نوار

حلم اتحقق  / للشاعرة هناء نوار

๑۩۞۩๑ حلم اتحقق ๑۩۞۩๑

ماكانش حلم و كان بجد

و كنت فعلا ...

جوة حضنُه و بين إديه

و كإنه ما بيشبهشِ حد

و كان قاتلني

بنظرة واحدة من عنيه

هو كان زي الملاك

قلبه كان ليا جناحات

كنت سامعة كل دقة

زي ما تكون آغنيات

كنت بتنفس هواه

كنت حاضنة نجوم سماه

كنت بسمع صوت آهاته

زي طفل حزين بيبكي

ف حضن أمه و فجأة تاه

ياما عشت اتمنى بس

ألمس إديه

كنت باسرح

و بخيالي بروح إليه

بس كنت باخبّي شوقي

و حتى حبي داريت عليه

كنت اشوفه من بعيد

زي نجمة عالية فوق

فوق فِ السما

يوم لقانا دا أحلى عيد

أصلي عاشقة

و دايبة فيه .. أنا مُغرمة

نفسي أصرخ ...

بس دا من فرحتي

نفسي أبكي ...

و هو يمسح دمعتي

نفسي أرتاح م العذاب

و انسى كل سنين

آلامي ف غربتي

مش مصدق ليه يا قلبي

إنه بقا ملكك و ليك

إوعى تاني عليه تخبّي

و روح بسرعة لحد عنده

قول له إن أنا كلي ليك

قول له بِعت الكون بحالُه

و عمري كله

انا باشتريك

‫#‏الشاعرةهناءنوار‬