منى ليك عربون محبه (بقلم ::: محمد البلاط)
السلام عليكم ورحمة الله تعالى وبركاته
منى ليك عربون محبه
منى ليك عربون محبه بس خود بالك وتابع
القضيه عايزه واحد قلبه جامد عقله بارع
والفلوس مش كل حاجه خودها منى بلاش تلاوع
بس سلك المجارى ومشى مية المنافع
واوعى تفهمها برشوه ... ايه فى الحب يمانع
بس خود بالك وسلك الامور الامور محتاجه صايع
كله بياكل فى كله والشريف بقى شكله مايع
مشيها وسلك امورك وابقى شيك حتى فى هدومك
وافتح الدرج بايدك كل من شافك يهيبك
باشا مقداره فى مكانه واوعى يوم تمد ايدك
يسبتوها عليك رشوه بعدها هتعض ايدك
واللى فاهم هيرضيك وانت مشبك ايديك
منى ليك عربون محبه بس خود بالك وتابع
القضيه عايزه عنتر ويكون محنك ووصايع
منى ليك عربون محبه
بقلم محمد البلاط
نسخ الرابط | |
نسخ للمواقع |