(((((((يا أعز حاجه ف البشر)))))))) للشاعرة ::: سهير بدران ؛؛

(((((((يا أعز حاجه ف البشر)))))))) للشاعرة ::: سهير بدران ؛؛

(((((((يا أعز حاجه ف البشر))))))))
ليه كل أما تشوفيني.....
تقولي أنا عارفة...........أنا حاسة
إننا مش هنكون لبعض
مع إنك عارفة ..........
إن عمر ما يأثر ما بينا بُعد
وعارفه إنك كل المني والأمنيات
وعارفه إني بسهرلك ليلي بالساعات
وعارفه إن لو ما في بينا الا السُكات
هيكون وقتها أبلغ من أي كلام
قوليلي أعمل إيه ؟؟؟؟
عشان تحسي معايا بلحظه آمان
مع إنك كل المني وكل اللي كان
هو عينيا مش كفايا تنقلك شوق الليالي
ولا قلبي مش كفايا دقته في عمق الوريد
ولا كل دا عادي.............
طب قولي إنتي إيه هو الجديد؟؟
عايزك تحسي معايا بالآمان يسري فوريدك
عايزك تحسي ان انا من دون كل البشر أكيد حبيبك
عايزك في عز السكات تصرخي وبأعلي صوت
وتقولي لكل البشر ان انا قسمتك وهكون نصيبك
عايز نظرة الخوف اللي في عنيكي تنقلب لحصون آمان
انا مش جبان.............
لجل ما أخدعك بزيف الكلام
منا قلتلك انا مش جبان ............
انا لما أحب كل حته فيا تنطقك حتي الوريد..........ودا مش جديد
منا بحبك كل الحب دا .......ودا شئ اكيد
يا صبر عمري ......يا وردة
يازهره مشجره ماشيه في وريدي
انا مش قلتلك دا يوم لقاكي هو عيدي
ما تيلا انطقي حروف اسمي.........
غرقيني من السعاده حتي النخاع
دا انا عشت ليالي .......
خايف افقدك...........خايف الوداع
خايف يا عمري تبعدي لسنين ضياع
يا اعز حاجه ف البشر ما بعدك عزيز