راح منا فين الحنين (بقلم / صفاء عبد ربه )

راح منا فين الحنين (بقلم / صفاء عبد ربه )

راح منا فين الحنين 
**************

مابقيتش أحس طعم الحياه
من يوم ماغبتوا في بعدكم
لا لمسه دافيه
ولا ضحكه صافيه
ولاهمسه وافيه
هيا الحياه تبقي إيه
من غير وجودنا في دمكم
من غير ماتنبض باسمكم
غبتم وسبتم
الجرح ينزف منكم
لا طبيب مداوي
ولاشغل حاوي
م القلب يمحي رسمكم
وماعادشي حاجه
ماعادشي حاجه في الدنيا
ممكن تعوض بعدكم
ماعادشي فيها إللي يعوض حبكم
مين بعدكم
مين بعدكم ممكن
يحسيسني طعم الحياه
مين بعدكم
ممكن أعيش معاه
العمر وماقولشي آه
مين بعدكم
الدم ينزف باسمهم
مين بعدكم
يعيدلي من تاني الحياه
مين بعدكم
فين البراءه ف ضحككم
دا الليل أصبح طويل
وماعاد ظلامه بينقشع
ونهار عذاب
من غير أحباب
والشمس محجوبه بضباب
والصيف كانه عز الشتا
بروده تنخر في العظام
والدود بياكل مايقول حرام
فين الربيع وأحلام الصبا
فين الأمال
وخريطه مرسومه ع الرمال
كانت بترسم عمرنا
اخدتها موجه غدر
غرقت معاها خيوط الفجر
الورود إتلونت بالدم
والهم بيزيد ومعاد يتلم
وكل يوم يجي بلوم
والفرحه مابتعدي
وإن عدت مابتدوم
راح فين منا الحنين
لبه الأمل أصبح ضنين
والدموع حياري بالعنين
مخنوقه بتضج الأنين
ليه دايما م الحبايب مظلومين
راح فين منا الحنين
وضمةشوق بتصرخ
في الصدر الحزين
ليه الحياه مابقتش
تحمل غير انين
ليه دايمابااحزن
متلفلفين ومسلمين
لليأس العمر والسنين
راح فين منا الحنين
وللحب ليه متعطشين
هوادا الزمن الضنين
هوا دا صبر السنين
هوا دا حلم السنين

بقلمي
صفاء عبد ربه