دعوه للتامل (بقلم) طارق الحسيني

دعوه للتامل (بقلم) طارق الحسيني

دعوه للتامل
هندرس فى المدرسه 
ان الحرب المقدسه
هى ازاى تقتل اخوك 
اللى ا بن امك وابوك
لانه كافر او حتى خاين
او انه سافر مره يعاين
ازاى بيبنوا فى المداين
لانه خريج هندسه
حنشرح جوه الفصول
انك لازم دايما تقول
لاءه لكل حاجه
لانك اصلا معترض
وغيرك عنده سذاجه
وبرضو دايما تفترض
فى خيانه
مفيش امانه
والسم موجود
فى اللبانه
معدش فى ناس مخلصه
والحصه الاولى عن الاوطان
دى خلاص راحت فى خبر كان
وكلمه وحده ومتحده
فى الولايات المتحده
اما بلاد الوطن العربى
اتفكت بالتخطيط الغربى
زى زمان من حبه كتار
فصلوا تشيك عن اهل الصرب
امتى نفوق يا عقول مفلسه