(روِّض الطوفان بحرفك)الشاعر وحيد راغب

(روِّض الطوفان بحرفك)
إفتحى لى كتاب حياتك 
وارسم لى ذكرياتك 
هارتشف م الروح خيالها 
واختبالها 
ف شوق لهاتك 
واعتصم لو فُتِّى عنى 
جوا صدرك 
يرجمونى 
مش هاروَّح 
يعدمونى 
مش ها نوَّح 
والمطالب 
زهرة من قلبك يا روحى 
وجنب منك 
توقيع حياة 
ايه يفيدنى ختم عيرة 
وحرف عيرة 
مش نجاة 
افتدينى ببصَّة شاربة 
نيل وكوثر 
وضحكة من ثغر المحبة 
كله سكر 
افتدينى بضمة راقية 
دفئها فى البرد 
مبهر 
افتدينى برحلة شتوى 
ف الجنوب 
كركديه ومعبد لفيلة 
والغروب 
شط شرقى وزهرة حمرة 
ونسم بيفجر طيوب 
افتدينى بروح سمارها 
حور محب 
والمشاهد ف المقابر 
يعث تانى 
مستحب 
المطالب مش مقالب 
كلها بيضة صباح 
النجوم ف العشق نجوى 
والفلاح 
نهتدى فى البحر بيها 
والجناح 
رفرفة ف جو الحبيب 
جوز وطيب 
والقلاع أنفاس بترعش 
مش نحيب 
مد ايدك وانتسشلنى 
من اعتصامى 
نفِّذ الاحلام ف قلبك 
والقصور 
الندا من عهد آدم 
حوَّا منى والحضور 
من غيرها ليل 
مستحيل للدنيا ضحكة 
لوتهاجرها البتول 
روِّض الطوفان بحرفك 
والندى من ثغر باسم 
خلى حسِِّك يبقى مسك 
والعيون كَحَّلها راسم 
دندن الآمال كغنوة 
واسقى تونها 
ربيع مواسم
الشاعر وحيد راغب