‫#‏روحى‬ // بقلم ::: هاني آدم

‫#‏روحى‬

أنا ما صدقت ألاقى روحى
و روحى ما صدقت تمشى
أنا العايش ما بين أموات
فطمت الحلم صمت سكات
و ميت وسط نبضاتكم
غريب تايه فى حكاياتكم
عزلت عن الوجع نوحى
صرخ قلمى ببكا نوحى
أنا القمر اللى فى خسوفه
و شمسه بتجرى من خوفه
سبيل توبه فى قدر عاصى
سابونى فى وحدتى أقاسى
أنا الدعوه اللى ما إتقبلتش
صايم فى الحر ريقه ما نشفش
عشان مكتوبلى فى الغالب
أعيش مغلوب و أموت غالب
أنا عنيكوا اللى حسدتنى
حبيبه فى غربتى سابتنى
عمل رضى رافض النسيان
أنا شجاع بس قلبى جبان
أنا اللى زهقت من روحى
و سلسلت الليالى بوحى
عشان لما إبتديت أحلم
نسيت إن الذنوب أقدم
من الفرحه اللى بأرجوها
و من أساطير بيروها
أنا إستسلمت عزمى مفيش
عشان يا ليالى ما تعديش

‫#‏هانى_آدم‬