كُنت فاكر // للمبدعة صفاء عبد ربه

كُنت فاكر  // للمبدعة صفاء عبد ربه 

كُنت فاكر 

*********

كُنت فاكر لما تِبعد 

إني في بعادك هاموت ؟

ولا فاكر لما تغضب 

إني علي بابك هافوت ؟

ولا فاكر لما تهجر 

إني من غيرك هاتوه ؟

وراح أبكي علي أعتابك 

وأقول هاتوه

لا .....لا ياقلبي أنا 

لا......لا يانبضي أنا 

لا......ياكلي أنا 

لا......لا ياأنا

كنت فاكر لما تبيع 

أنا هاأشتريك ؟

ولا فاكر لما تجرح 

أنا راح أبقي عليك ؟

ولا فاكر لما تعند

هاجري وأدور عليك ؟ 

ولا أحايلك وأبوس إيديك ؟

ولا فاكر إيه 

ولا إيه ......... ولا إيه 

إنتَ فاكر نفسك إيه

كُنت فاكر إن بكره 

ممكن للماضي أعود ؟

ولا فاكر إن تاني 

ممكن لحضني تعود ؟

دا إنتَ خاين أناني 

إنتَ خاين للوعود 

إنسان غادر حقود

وعمرك ماتصون العهود

بِعتِنيِ وبعت كل حاجه 

وإنتَ ولا تسوي حاجه

وغرورك كان بزياده

لَكِن صَدَقني ..

صَدَقني يوم ما تندم 

وتيجي تعود لي تاني 

ساعتها !!!

مش تلقاني زي ماني 

مهماً كان لي معاك أماني 

ماهو مستحيل 

مستحيل أرجعلك تاني

مستحيل .. أرجع لأناني 

بعد ما ضاعت معاه أمالي

مستحيل .....

بعد ما ضاع حلمي الجميل 

أيوا ....

أيوا بقولك مستحيل 

دا الجميل 

إن كان لي فيك أماني 

إني أديلك حناني 

دايما من غير بديل 

لكن ..

إنت ضَيَعت كل حاجه 

ضيعتني....

وضيعت حلمي الكبير

وهو دا كان المستحيل

دا أنا ياما صبرت عليك 

وجروحي هانت عليك

وإنت .. 

قِسيت ياما عليا 

وإتحملت منك آسيه

ومن بُكايا .. راح نور عينيا

وبعد ماكنت لي كل حاجه 

بقيت دلوقتي.. ولا حاجه

دا أنا اخترتك من بين ألوف 

كان قلبي عليك ملهوف 

وتحديت بيك الظروف 

كنت شايفه قلبك رؤوف 

كنت باموت كل يوم م الخوف 

وأنا شايفه حواليك ألوف

كنت خايفه من البعاد

كنت باقيه ع الوداد

وقلت أنسي إللي فات

وأعيش معاك الحاضر وإللي آت

كان سَهمَك في القلب صايب 

وكُنت لي حاضر وغايب 

وقلبي كان في هواك دايب

ما أنا غيرك .. 

والله ما كنت شايف 

ومِن الفراق 

دايما أنا كنت خايف 

ماإنت كنت ليا كل حاجه 

لكن النهارده ...

بَقيت ولا أي حاجه

دا أنا ياما كَذبت فيك الظنون 

وقلت أعاملك بالأصول 

ويكفيني إن قلبك عليا 

يكون كتير حَنون 

عاهدتك أكون لك العمر وافي 

وأعيش في حضن قلبك الدافي

واحساسي بحبك كان لي كافي

كنت شايفه فيك صوره تانيه 

ما تقدرشي تأسي ولو ثانيه 

شوفت فيك فارس أحلامي 

وبيك كنت طايره في العالالي

كنت بشوفك ليلاتي بمنامي 

ورسمتك صوره في خيالي

بس ياخساره 

الصورة مش هيا صورتك

ولا حلمي كان هو حلمك

وضاعت بينا كل الأماني 

ضاع أحلي حلم في أحلامي

من كتر ما كنت منك بعاني 

ما إنت كنت معايا قاسي

وقلبك عليا كان جافي 

إنتَ فاكر ؟

إنتَ فاكر ولا ناسي

كنت بتعزف ألحانك 

علي بركان غضب 

لما إحساسي بيك

ماعاد في قلبي وانشطب 

رحماك ربي من هذا الغضب 

آاااااااه ياقلبي رحماك

أما عاد للعذاب سواك

ألم يجهدك طول العناء 

ألم تناجي فيه نجوم السماء 

ألم تتحدي من أجله البشر 

وتقول إن الحب أمر

وكان كلامك يا أغلي الناس 

لا نبض فيه ولا إحساس

وحبك كذبه وما كان له أساس 

وأنا ياحبيبي 

قلبي كما الألماظ

نبضه إحساس

وعمره ما يوم إنداس 

سامعني ؟

سامعني يا اغلي الناس ؟

أنا قلبي أبيض بياض الفل

بُستان 

عِطره يفوح ع الكل 

وحالك ياروحي ما كان يسر

وبعد كل دا .... 

لسه فاكر إني هاموت عليك

ولا راح أحزن يوم عليك

لا ..... لا ياروح قلبي 

لا يانبض عمري 

لا... لا يا أنا

أنا مش هاأفضل أسيره لهواك

دا أنا عمري .. 

ما كنت يوم سعيده معاك

وخلاص ......

خلاص أنا مش هابقي تاني عليك

ولا راح أخاف وأقلق عليك

ولا عيني هاتبكي في يوم عليك

وكفايه .... 

كفايه يا كل الكون 

كفاياك حبيبي ظنون 

دا أنا كنت بيك مفتون 

وقلبي بحبك مرهون 

وعقلي مِنك كما المجنون

كفايه .....

كفايه كنت أملي 

كنت روحي 

كنت البَلسم لجروحي 

ودلوقتي .......

بقيت سبب نوحي 

ماهو إنت كل جروحي

ومسيرك .... 

مسيرك هاتعرف 

أنا أد ايه كنت بحبك

وكنت باأتمني قربك 

كان حبي ليك ما لوش حدود

كان ليا كل الوجود 

مسيرك 

مسيرك هاتعرف .. اد ايه 

كان ارتباط قلبي بقلبك 

وإمتزاج دمي بدمك 

وفكري كان هو فكرك

مِسيرك هاتعرف 

إن كان منايا تفضل جانبي

وإن بعادك كان غصب عني

ماأنا كان نفسي أشوفك متهني

بس ياخساره 

ياخساره الفراق دا مش بايدي 

دا نصيبك .... ونصيبي 

ومسيرك هاتعرف 

مسيرك هاتعرف

صفاء عبد ربه 

7 / 4 / 2013