دنيا العجب (بقلم) عونى هشام
السلام عليكم ورحمة الله تعالى وبركاته
 |
دنيا العجب (بقلم) عونى هشام
القيت فى قصر ثقافة الحسينيه بالامس
-------------
دنيا العجب
==========
ياما صغار ف السن
بالحكمه هما كبار
ياما كبار فى الادب
ما يراعى حق الجار
مش كل حرف انكتب
نقول عليه اشعار
ولا كل ماسك خشب
نقول عليه نجار
دنيا وفيها العجب
خلت كفيف طيار
------
عجيب ي عليك يا زمن
ما تبص ع المنشار
طالع بينحت خشب
نازل بيرمى عفار
مش كل معدن دهب
ولا كل كيلو خيار
الكشف عند طبيب
ليه وصفه م العطار
كفايه شفنا العجب
كأنه دقة زار
----
واه يا دنيا العجب
بتوطى فى الاخيار
لكن قليل الادب
يبقى سييد الدار
العدل ليه يتحجب
والظلم يبقى قرار
مش كل حرف انكتب
حقيقه فى الاخبار
عايزين نبطل عجب
بالعقل يا أبا نختار
----------
عجب يا دنيا العجب
نفسى نعيش ف عمار
نمشى زى الامم
والعلم يبقى خيار
الجد وقت الجد
مش كله لعب هزار
طالب يروح مدرسة
ومدرسه ف الدار
غذى ضميرك ادب
تأمن عذاب النار
============
عونى هشام
| نسخ الرابط | |
| نسخ للمواقع |
0 التعليقات
