يعنى كده يرضيك // (بقلم) يوسف ونيس مجلع

يعنى كده يرضيك // (بقلم) يوسف ونيس مجلع

بقلمى ىوسف ونيس مجلع ايطاليا بريشيا 

اصدقائى الاحباء كلمه بالعاميه بعنوان يعنى كده يرضيك

يعنى كده يرضيك ----- ياساكن روحى وحسى

حبى اللى كان مليك ----- و كان يحلاله همسى

دلوقتى انادى عليك ------ ما تسمع علو حسى

زحمة قلوب حواليك ------- خليتنى اكلم نفسى

نسوك احب ما ليك ------ حتى هناك فى انسى

ايه اللى اتغير فيك -------- سؤال محير نفسى

كل اللى شفته بعنيك ----- معايا خلاص منسى 

-------------------------------------------------------------------------------- 

معقول نسيت اوقاتى ------ وهيام روحك فيها

وحلفانك بحياتى --------- وان بروحك تفديها

واحساسك باهاتى ---------- قبل ما اتنهد بيها

وانغام غزل نظراتى ------ و نظراتك بتغنيها

وسمر مهجتنا يوماتى ------ وامل بكره ماليها

وعهود قلوبنا ليلاتى ----- برضه كمان ناسيها

------------------------------------------------------------------------------- 

ياما احترت اشكيلك ------ وعاتبتك فى خيالى 

وياما فكرت ابيعك -------- وارجع تانى خالى

الاقى قلبى شفيعك --------- زنوبك بيحللهالى

وكل الطرق بتجيلك ---- لوهروبى مر فى بالى

ازاى تهون ابيعك ---- وانت على الغالى غالى

هافضل اغنى لربيعك ----- يمكن تحن لموالى

------------------------------------------------------------------------------- 

بقلمى يوسف ونيس مجلع