مصر أم الدنيا _بقلم/ عبدالله الهوارى

انا مش هانزل يوم خمسة وعشرين_بقلم/ عبدالله الهوارى

انا مش هانزل يوم خمسة وعشرين اصلا
مش عشان البرد
انا مش نازل
حتى لو يناير جه ف الصيف
واللى يسالنى هارد
اصل انا مش ناقص تخاريف
انا مش خايف من حد
السبت عندى زى ال حد
بس بجد
انا قرفت فعلا
من كتر الرط والعجن
تعبت من الاشاعات
والتكهنات
والفلسفة الفاضية
م الثورة الماضية
مبطلناش لت
مبطلناش اتهامات
كل يوم نقول ونعيد
كل يوم ضرب وخناقات
شهيد يسلم شهيد
وصور مالية البلكونات
الناس ف مصر
جرالها ايه
اهيا الناس مالها
الناس دى ما قروش ابدا
تاريخ !!!!!!!!!!!
ما قروش عنها ف كتاب الله
كام مرة اتذكرت اسما
واشارة ورمزا
ما قروش ولا مرة
مثلا
؛؛ ادخلوها بسلام امنين؛؛
هو بس مين
اللى فهمهم كلمة مصر
هيا هيا كلمة ثورة
دا بقى اسمه تحريف
مصر هيا مصر
ما ينفعش تبقى حاجة تانية
ثم ان الاهم
مصر تبقى ف امن
ما ينفعش وطن تخويف
لانها ام الدنيا
..........................
عبد الله الهوارى