حروف غزل _ شعر بقلم / عونى هشام
السلام عليكم ورحمة الله تعالى وبركاته
حروف غزل _ شعر بقلم / عونى هشام |
=========== عونى هشام
انا لما اكتب غزل
راسم طريقه لمين
ده جد مش كان هزل
خايف عليه م العين
حروفى كات م الازل
مكتوبه من حرفين
حبى فى قلبك يزل
-وحبك فى قلبى دفين -
رسمك بالحانى
صورتك فى وجدانى
العين عليها حارس
والكحل ربانى
ربانى على شهدك
عسل وفيه نرياق
الورد على خدك
-ينده وانا المشتاق
مشتاق لاحضانك
مشتاق انا بجنون
قلبى ما خانك
وتملى بيك مفتون
مفتون يا فاتن
يا قبله للعشاق
حبك هنا ماكن
نفسى يوم رؤياك
رؤياك وترأينى
من كل حاسد حسد
انده تنادينى
- انتى المعين والسند
=============
عونى هشام
نسخ الرابط | |
نسخ للمواقع |