الرجل ذو اللونين _ شعـــر بقلم / صابــــر العربـــي

الرجل ذو اللونين :

قــــــــدَّام المال الشتا بتصير صيف
حتى الربيع فى لحظة يتحول خريف
دنيا مكانــــــها للقوى مش للضعيف

وسلطانك لو مش بيده مال
فى لحظة يتبدل بيه الحــــال
يعنى فى ثورة يشيلوه شوية عيال
وبكل سهولة يقتلوه أو يشيل أوحال
لكن لو فى يده كل الخزاين
هيبقى الحاكم والسجَّـــــان
لو ذلت أيام المـــــــــــــلك
عمره بعدها ما يعيش متهان
يشــــــــــــــترى بكل شىء
وكــــــــــل شىء ليه تمن
يبنى فى أى مـــــــــــكان
مـــــــــــــــــــليون وطن

من ديوان مسرحية ‫#‏عشق_السحاب‬