وقف المنادى ينادى_ بقلم/ اشرف احمد

وقف المنادى ينادى
كشف بالاسماء
كل اللى عاش للحق
وقف بسرعة وفاق
الحق طعمة عسل
لذة للمشتاق
مهما تدوق ياجدع
تعطش من الاشواق
حاسب قبل يوم الدين
ربك والحساب دقاق
فين حقوق البشر
اللى ظلم سراق
واللى اكل لحم الضعيف
ولا نهب او داق
راقد تحت التراب من الخوف
ك انه محشور فى زقاق
اللحم سال من الوجة
والى العذاب منساق
راحت فين قوتك
وزمرة العشاق
هانت عليك جنتك
رخص فى الاسواق
نفس شيطان غرتك
وكبر فيك سباق
بسرعه العمر انقضى
ومكنش فية اخلاق
ينفع فى ايه الندم
اصل الهدى ارزاق
------------------وعجبي
اشرف احمد