حبيب (بقلم) الشاعرة : إبتسام رحمة

حبيب
اللي بينا شئ غريب 
يا اللي كنت فى يوم حبيب 
مرة تبعد مرة أقرب 
مرة اللي ما بينا يهرب 
مرة شوقنا كتير يزيد
مهما اختلف ما بينا
ما بين حبيب ولا حنين
ولا ذكرى لسه عايشه
جوه قلوبنا من سنين
لكن لسه ما بينا
قصة دايبة في الحنين
عمرها ما يوم تغيب
هو حب لسه وليد
عطره عايش في الوريد
مهما قلت عليه وأعيد
قلبي عايش جوه نبضه
ويموت لو يوم تضيع
لما أشوفك أو حتى صوتك
يضمني كأنه عيد
ألقى كل مشاعري
تصحي من جديد
آه يا عمري لسه عايشه
فى حلم عاش سنين حياتنا
كأنه طفلنا الوحيد
مهما أقولك أنسى حبي
أو تجينى تلقى ملامحي
شكل غايب مش حبيب
خلى قلبك هو يدلك
أوعى تصدق انه نصيب
مكتوب يا روحي تكون ليا
وقلبي ليك مهما تزيد
اى كلمة تجرح عينيا
حبك في قلبى هو الطبيب