أغنية (قلب الحب) كلمات : حربي علي * شاعرالسويس *

أغنية
 (قلب الحب)

إنت الحب وناسه
ف جماله وف إخلاصه
إنت الحب نفسه
خيال الليل ورسمه
قمره وضل شمسه
وغرامك  سر إحساسه

إتعلمت الحب فيك
برموش جمال عنيك
إنت قلب الحب
دقاتك عندي صعب
عاوزه قلب صلب
جامدة جدا من أساسه
إنت الحب  وناسه

حبة / حبة علينا
إدينا م اللي لينا
مشتاق لمسة إيديك
هموت الله عليك
وهبت قلبي ليك
والقلب إداك ميراثه
إنت الحب  وناسه

علمني من الشفايف
مبقاش م الحب خايف
لف العالم وقوله
الشوق كوكب واصله
هاتلي الحب كله
أديك شعوره وحواسه
إنت الحب وناسه
ف جماله  وف إخلاصه

كلمات
حربي علي
 شاعرالسويس