♥``~~ همسات قلب سجين~~`` للشاعرة : إنتصار عرابي (موني اسلام)
السلام عليكم ورحمة الله تعالى وبركاته
♥
``~~ همسات قلب سجين~~``♥أنا وأنت كنا قلب في روح
وعشقك منقوش في كياني
كنت بجيلك فارده جناحي
كنت بضمك بكل حنان
لكنك زرعت في قلبي الاه
ليه قتلت كل مشاعري
ونسيت أنك ليا حياه
دانا ببعادك بدوب اشواق
كم مره جتني الفرصه
اني اسيبك للاحزان
لكن حبك سكن الروح
يأجمل ورده بالبستان
بس ياريت جبرت بخاطري
وراعيت اني من غيرك أموت
ليه بقساوتك هدمت القلعه
ونسيت ان فيها سكان
يا بلاش منها العيشه
وحضر ليا يلا تابوت
كل الناس تزعل تتصالح
الا انت ياعمري مخالف
شاطر بس بفك شريط
ذكري أليمه من التحنيط
ليه ماتفكر في لحظه
جميله جمعت بينا
دانا مش بنسي بكل سهوله
دايما آهاتي جوايه محفوره
طول عمري وأنا مقهوره
شاطره أصور قلبي جريح
شايل هم الدنيا بحالها
سبته يعاني في مهب الريح
خليك فاكر.
جيت مشتاقه وكلي حنين
طالبه القرب مهما كان
م انت النسمه في عز الصيف
وانت ربيع لقلب خريف
وانت القوه لغص ضعيف
لكن ياخساره صحيت من النوم
علي حقيقه مليانه تخاريف
وكان صدك لي زلزال..
زلزل فيا كل اركاني
قفلت الباب بكل برود
طفيت الشمعه
وسيلت الدمعه
وحرقت القلب
ودفنت الفرحه والأحلام . ..
بس خلاص ودا اخر يوم
وكان رجوعي بالإمكان ...
خليني لعذابي والأحزان
لكن ......
عمري مهلاقي راجل كيفك
يملي حياتي بكل حنان
وأنت. ... ..
اراهنك برضوا ياعمري
مهتلاقي غيري
ملاك بصورة انسان
يلا سلام.....
بتمنالك كل سعاده
ولايوم تشرب كأس حرمان
أصل انا دوقته..
مر وعلقم
ومحتاح فوق الصبر
صبر كمان ...............
نسخ الرابط | |
نسخ للمواقع |