لا تإن ولا تزن // بقلم = صفاء عبد ربه

لا تإن ولا تزن  // بقلم = صفاء عبد ربه

لا تإن ولا تزن 

**************

كان نفسي 

كان نفسي أقولك واحشني

بس لساني حاشني

وقال كفاياك 

ودع هواك 

وإنسيَّ إللي َنسَاك

إبقي ع إللي باقي منك

وإكتم جواك

قول ماعاد يهمك

حتي لو إترجاك

ماخلاص هوا نَسَاك

من بعد ماكان يتمناك

وكل أمله رِِضاك

باعك وباع هواك 

نِسيِ كل إللي كان له معاك

مش هوا إللي هجرك وسابك 

عاش حياته ومعملشي حسابك

يبقي ليه تبكي عليه

ليه مشتاق ليه

إنساه وشوف حياتك 

عيشها بكل ذكرياتك

بس ماترجعلوش 

ماتخضعلوش

وبلاش تقول واحشني 

قول مايستهلشي 

أن تكون وياه

دا كان بيلعب بيك 

لما كان بيبوس إيديك

لأجل ما يدخل ليك 

من باب الحنان 

وهوا غادر ماله أمان 

كان يقول إنك حبيبه 

لأجل مايحطك في جيبه 

وإنت مش نصيبه

وهوا دا عيبه 

عرفت ليه مقدرتش ياقلبي أقولها

علشان غروره ماينولها

وكفايه !!!!

لا تإن ولا تزن

ياقلبي إرحمني

إرحمني وإوعاك تحن 

مش كان نفسك تقول واحشني 

ودلوقتي عرفت 

عرفت إيه إللي حاشني 

حاشني كل فات 

ولسه فيه ياما كتير حاجات 

من غدر ومن خيانه 

وهوا ما عليه ملامه 

ف إوعاك ياقلبي تقولها 

إوعاك إنه ينولها 

وبكفايه بقي كفايه

بقلم / صفاء عبد ربه