غبائنا محتاج مكنسه / للمبدعة نادية بدري محمد (شجرة الدر)

غبائنا محتاج مكنسه / للمبدعة نادية بدري محمد (شجرة الدر)

غبائنا محتاج مكنسه

........

لساك بتحلم بالعصي ؟

موسي الكليم مات واندفن .

والمعجزات شئ واتنسي .

حتي الامل صابه العفن

وغبائنا محتاج مكنسه

زمن الولاة مبقاش يعود ..

وسلامنا بقي يحمي اليهود

سيفه مسلط ع الرقاب

من خوفنا حافظين العهود

واحنا يادوب حبة عبيد متفرقين ....

متكبلين من غير مانلبس طوق حديد ...ومجبرين

في كل رقبة الف قيد من ألف سيد .. ومغلوبين

والاقصي فينا بيتجلد ..زي الوليد . قدام عنينا العامينين

ويارتنا كنا عامينين

او حتي حبة قليل

يمكن ساعتها نتعذر

لكن المصيبه اننا زي اللمون

واضعف مافينا يتعصر

واقوي مافينا يتكسر

بايدينا لو صوته علي

ولساك بتحلم بالعصي

وتقول تاريخنا اللي اتنسي

مابقلش يفيد سرد التاريخ ...

دا غبائنا محتاج مكنسه

..................

بقلمي ‫#‏نادية_بدري_محمد‬