اه يا حمدان / رفيق القلم *سيد صميده*

اه يا حمدان
شفت الصوره وشفت الوش
فاكر كان النور بيهش
فوق القوره وفوق القصه
كنت مليحه وساكنه القصه
كات الضحكه تروح مسافات
كيف ما القمره تزيح متاهات
كنت جميله يا واد سنيوره
قصه وغنوه فوق القوره
كنت ربيع وورود وحكاوى
كنت قصيده طارحه غناوى
كات القمره بتغير منى
سمره وحلوه وورده اكمنى
بنت النيل وعكاره ف د مى
كات الحكمه ساكنه ف فمى
وكنت بعدى على الزراعيه
كات الارض بتفرح بيا
اه ياحمدان والفين اه
شوفت الشيبه وشفت غدارها
لما بتسكن فينا بنهارها
تحنى الضهر وترسم صوره
فوق الجته
كرمش عضمى وقبله الجلد
كربيج بكره نازلين جلد
راسمين صوره واه م الوعد
اما يدق يوم على بابك
اه يا حمدان والفين اه
هافضل اقولها 
واه يا زمانى والفين اه
هافضل اشيلها
واه يا ليالى والفين اه
م اللى ساكنها
لما الدنيا تجور يا وليدى على سكانها
وتسجن فينا 
تجلد فينا
تسرق منا الضحكه وتسرق
جوه السكه ربوع خطاوينا
تخطف منا ربيعنا وتجرى
واحنا ما ندرى ايه سوينا
اه يا حمدان
شفت الصوره 
رفيق القلم
 سيد صميده