مش عتاب -( بقلم / رمضان العلالقة)-

مش عتاب
~~~~~~
و ليه بيهون عليك كده
و ليه بشيل الهم دا ؟
دانا كنت مؤمن بالحياة 
و فكرة عشق نازل م السما 
زي المطر 
يحيي قلوبنا في صدرنا
و مين اللي حبك زي أنا ؟
رغم الشجن و اتلال عذاب
بعشق عينيكي و ضحكتك 
و في ثورتك بعشق لحظة 
قتلني فيها الأنتظار 
جوايا بكتم شكوتي
و إنكسر خلف عذاب
و أكوام الألم
طقوس حياتي أتغيرت
 ملامح أفظع م الشبح 
و كل شئ أصبح عدم 
الحب بينا شكله إيه ؟
شكل الرماد ؟ 
لابس وشاح المنظرة ؟ 
و ليه يهون عليكي و تنكري ؟
نسيتي ليه 
همس الأماني و دمعتي 
و أصوات تسافر في المدى
دا انا كنت برسم 
صورة حلوة في وحدتي 
صورة رسمها 
قلبي ليكي بلوعتي 
لو كنتي ناسية 
قولتي إيه ........ أفكرك 
و ليه النهارده بتنكري ؟
بعد الزمان ما غيرك 
و لبستي توبك من ورع
ده مش عتاب 
و لا يوم يكون بينا العتب
قلبي في صدري بينخلع
و أنا بعترف 
كنت الضعيف المهتدي 
مؤمن بفكرة عنترة 
مؤمن بفكرة من مفيش
في دنيا فيها المؤمنين 
شئ أصبح رخيص
هل يا ترى 
الحب ممكن يوم يعيش ؟
فيه أنثي تعشق زيها ؟ 
عبلة اللي عشش قليها 
و من بعدها الحب مات
كفرت بقيس و ليلى 
و فكرتي 
و حب كان للي أفترى 
~~~~~~~~~~~~~~
 بقلم / رمضان العلالقة