الناي الحزين / لصاحبة القلم المبدع ( الكاتبة حنان محمد عبدالعزيز )

الناي الحزين / لصاحبة القلم المبدع ( الكاتبة حنان محمد عبدالعزيز )

الناي الحزين

--------------

غني يا ناي

صوتك بيطربني

غني وقول

ع اللي معذبني

غني وعلي

نغمك بيشجيني

صوتك حنين

بيصحي أحزاني

قول الآه وعيد

وزيد من تاني

حبيت والحب

ملا قلبي وكياني

واللي بحبه راح

وفاتني وحداني

ريقي مرار البعد

أشكي حرماني

ناي حزين

والأحزن مرفقاني

أنا ياللي حبيت

والسهد أضناني

حبيبي بحبك ولا

غيرك حبيب تاني

أروح لمين وأشتكي

من مرار زماني

شربت كأس الحب

وفي النار رماني

ما كنت أعرف إنه نار

في القلب كوياني

يا ناي غني للصبر

علِ تطيب أحزاني

ياللي إنكويت بنار الحب

دلني على دوائي

صابرة أما الصبر يشتكي

مني أو يشفي دائي

قول يا ناي ع اللي صابني

بسهم الحب وما درابي

سهمه جرح قلبي

وسبني وراح ناسي

أقول لمين يا ناي

وأخاف الملام

من أهلي ومن ناسي

أكتم على جراحي بإيدي

ودموعي تروي جناين

قول إحكي يا ناي يمكن

يسمع لك ويجيني

يداوي قلبي وأسعد

بقربه وتحلى أيامي

وأقعد معاه على شط النيل

ونسمع غنى ومواويل

من بعد الشجن بيجي الفرح

من عذب شدوك يا ناي

نسعد وتبدأ أحلى أيامي

------------------------

بقلمي / ‫#‏حنان‬ - محمد عبد العزيز