بحبك ليه ..مش عارف / للشاعر سليمان خطاب

بحبك ليه ..مش عارف / للشاعر سليمان خطاب

بحبك ليه ..مش عارف

=============================

بحبك ليه ..مش عارف!

ولا شايف فى الهوى غيرك

واجرى أطل ف عنيكى

ومش خايف

عشان الرمش بيفتح

ف صدر نهار

وجوَّا الننى مفيش غيرى

أنا المختار

ومابين قلبى وعنيكى

مفيش أسرار

بحبك ليه.. مش عارف !

ولا عندى جواب ليكى

وليه العشق يحدفنى

ما بين رمشين

وادق الباب ألاقيكى

يا حور العين

برجين حمام على توبك

وف دروبك

نجوم السما صفين

والقمرعاشق خطوتك

من طلتك

صار القمر قمرين

بحبك ليه.. مش عارف!

كفايه عليَّا أغزلك

من هوايا قصور

ولاجل عيونك الحلوه

أعدى بحور

واحنى الشمس بكفوفك

وارسم بالورود طيفك

وف ضل ضفايرك

أنا ساكن

والعالم كله بيتغير

وانا لسه ف هواكى بدور

بحبك ليه .. مش عارف !