أنا الفلاح / بقلم / رمضان العلالقة
السلام عليكم ورحمة الله تعالى وبركاته
 |
أنا الفلاح / بقلم / رمضان العلالقة |
أنا الفلاح
~~~~~
أنا الفلاح عايش
حياتي أزرع أمل
و اعرف
فصول السنة كلها
زرعت أشجار الصبر
و دوقتها
جوه الخريف
مفيش زهور فوق الشجر
اصبر على زرعتي
تطلع م الأرض لوحدها
مفيش غريب يبحت لها
و يحطها
و يمد أيده جوه أرضي
يشدها
اسأل على أرضي
و زرعي
و زهور الربيع
كل حلم حلمته
كان كابوس
و كان فظيع
اسأل على ورد الحياة
نفسي بين الناس أعيش
الحلم اللي بين الظلام
غاب و تاه
كله كلام و كان مفيش
أبني مات عند الواحات
و التاني مات عند العريش
أبني الصغير كان عسكري
و أبني الكبير كان شاويش
فين اللي كانوا
يقولوا عليه أمل ؟
و إيه العمل ؟
كل الكلام مات
على درب الأمل
مات الكلام
اللي كنا عليه مشحتفين
و بعد السنين
اللي طول عمري عشتها
و أشوف أحلام
و اضحك لها
زهور أرضي تغطي
الدنيا كلها
و مش وحدها
تملى السما
اضحك ع اللي خان
ع اللي أتمن
و أشوف البلاد
بتضيع من غير تمن
اضحك من حسرتي
و الضحكة خايفة
تيجي نحيتي
أنا الفلاح
عايش حياتي أزرع أمل
و أشعل شموع بين الظلام
ليه الهموم ؟
و ليه الزحام ؟
الأمل و الورد
اللي طلع ع الشجر
كان كابوس
محطوط عشان يقتل بشر
~~~~~~~~~~~
بقلم / رمضان العلالقة
| نسخ الرابط | |
| نسخ للمواقع |
0 التعليقات
